Кислоталар, гидроксидлар ва тузларнинг диссотсиланиши

Кислоталар

Диссотсиланганда катион сифатида H⁺ ионлари ва анион сифатида кислота қолдиғи ионларини ҳосил қилувчи электролитларга кислоталар дейилади.
Кислоталар таркибига кўра қуйидагича ионланадилар:

• HCl ⇆2H⁺ + CI^—
• HNO₃ ⇆ H⁺ + NO₃^—

H₂SO₃ ⇆ H⁺ + HSO₃^— кучсиз кислота боʻлгани учун кейинги босқич бормайди.

H₂SO₄ ⇆ H⁺ + HSO₄^—, HSO₄^— ⇆ H⁺ + SO₄^-2

бу кислота таркибида 2 та водород атоми бўлгани учун икки босқичда ионланади. Кислота таркибида H — атоми сони ортиши билан, диссотсиланиш босқичи сони ҳам ортади:

H₃PO₄ ⇆ H⁺ + H₂PO₄^— ; H₂PO₄ ⇆ H⁺ + HPO₄^-2

HPO₄^-2 ⇆ H⁺ + PO₄^-3 охирги босқичда жуда кам ионланади.

Кислоталарнинг барчаси эритмасида умумий Ҳ⁺ катиони ҳосил бўлади. Бу ион сув молекуласи билан бирикиб H⁺ + H₂O ⇆ [H₂O]⁺ гидроксоний катионини ҳосил қилади. Бу ионда H⁺ иони билан H₂O молекуласи донор- аксептор боғи орқали боғланган. Кислоталар эритмаларида H⁺ бўлган учун лакмус қизил рангга
киради.

Гидроксидлар

Диссотсиланганда металл катиони ва гидроксил аниони (OH) ҳосил қилувчи электролитлар гидроксидлар дейилади. Гидроксидлар қуйидагича ионланадилар.

NaOH ⇆ Na⁺ + OH^—

Ca(OH)2 ⇆ CaOH⁺ + OH^—, CaOH⁺ ⇆ Ca²⁺ + OH^—

KOH ⇆ K⁺ + OH^—

Сувда яхши эриб кўп диссотсиланадиган гидроксидларни ишқорлар дейилади. Уларнинг эритмалари лакмусни кўк рангга боʻяйди. Сувда кам диссотсиланадиган гидроксидлар асослар дейилиб, уларга қуйидагилар мисол бўлади:

NH₄OH ⇆ NH₄⁺ + OH^—;

Cu(OH)₂ ⇆ CuOH⁺ + OH^—;

Fe(OH)₃ ⇆ Fe(OH)₂⁺ + OH^—;

Mg(OH)₂ ⇆ MgOH⁺ + OH^—;

Тузлар

Диссотсиланганда металл катиони ва кислота қолдиғи анионларига ажраладиган электролитлар тузлар дейилади. Сувда яхши эрувчан тузлар тўлиқ диссотсиланади:

NaCl ⇆ Na⁺ + Cl^—;
KNO₃ ⇆ K⁺ + NO₃^—;
FeCl₂ ⇆ Fe²⁺ + 2Cl¯;
Al₂(SO₄)₃ ⇆ 2Al³⁺ + 3SO₄^—;

Кўриниб турибдики, тузлар кислота ва гидроксидлардан фарқли равишда босқичсиз ионланадилар. Сувда ёмон эрийдиган тузлар кам эриганлиги сабабли кам диссотсиланадилар. Улар эритмаларида диссотсиланиш мувозанати молекула ҳосил боʻлиш томонга силжиган бўлади:

AgCl₂ ⇆ Ag⁺ + Cl^—.