Сегнетоелектриклар деб бир қатор ажойиб диелектрик хоссаларга эга бўлган ва биринчи навбатда, ҳатто ташқи бўлмаганида ҳам вужудга келадиган, ўз-ўзида электр қутбланиш хусусиятига эга бўлган кристалл моддаларга айтилади. Биринчи марта бу хоссаларни физик олимлар И.В.Курчатов ва П.П. Кобеко, сегнет тузи (NaKC4H4O64H2O) кристалларини текшираётганда аниқлаган эдилар. Шундан, мазкур синф диелектриклар учун сегнетоелектриклар номи келиб чиққан.
Кейинчалик, баъзи бошқа кристалларнинг, масалан, барий титанати, литий танталати, калий дигидрофосфати кристалларининг сегнетоелектрик хоссаларга эга бўлиши аниқланди. Сегнетоелектриклар ўз диелектрик хоссаларининг анизотропияси билан характерланади. Масалан, агар электр майдон муайян криталлик ўқлар бўлаб ҳосил қилинган бўлса, у ҳолда ε диелектрик доимий бирор ҳароратлар соҳасида майдон кучланганлигига кучли даражада боғланган бўла бошлайди ва жуда катта (ε~10000) қийматга эришади. Бундан ташқари, ε катталик диелектрикнинг олдинги ҳолатига боғлиқ бўлади.
Диелектрикнинг сегнетоелектрик соҳасини чегараловчи ҳароратга Кюри нуқтаси дейилади. Юқорироқ ҳароратларда моддаларнинг сегнетоелектрик хоссалари йўқолади. Баъзи сегнетоелектрикларда уларнинг ажойиб хоссалари ҳарорат бўйича ҳам юқоридан, ҳам пастдан чегараланган иккита Кюри нуқтади бўлади.
Диелектрикларнинг сегнетоелектрик хоссаларининг сабаби нимада? Маълум бўлишича, сегнетоелектрикларнинг кристалл тузилиши шундайки, уларнинг кристаллари таркибига кирган молекулаларнинг ўзаро таъсири, уларнинг дипол электр моментларининг тартибли ориентирланишига олиб келади ва диелектрикнинг ўз-ўзидан қутбланиши деб аталувчи ҳодиса юз беради. Мана шунинг ўзи сегнетоелектрикларнинг бошқа диелектриклардан фарқ қилувчи асосий хоссасидир. Кристалларда бир хил йўналишли дипол моментларга эга бўлган кичик соҳалар ўз-ўзидан вужудга келади. Уларни доменлар дейилади. Айрим доменларнинг дипол моментлари тасодифий равишда шундай ориентирланганки, бунда, бутун кристаллнинг натижавий моменти нолга тенг. Фақат ташқи Э (векторли) электр майдон таъсирида диполлар Э вектор бўйлаб бир йўналишда ўрнашади.
Умуман, сегнетоелектрикларнинг электр майдондаги хоссалари ферромагнетикларнинг магнит майдони хоссаларига ўхшашдир. Шу сабабга кўра сегнетоелектриклар баъзан ферроелектриклар деб ҳам аталади.
Сегнетоелектриклар муҳим амалий қўллаш соҳаларига эгадирлар. Конденсаторнинг сиғими, унинг қопламлари орасидаги жойлаштирилган диелектрикнинг ε доимийсига пропортсионал бўлади. Шунинг учу катта ε диелектрик сингдирувчанликка эга бўлган диелектриклардан фойдаланиб, катта сиғимли кичик конденсаторлар ясаш мумкин. Аммо сегнет тузи бу мақсадга мос келмайди: ε нинг катта қиймати унда -18 °C дан +24 °C гача ҳарорат интервалида сақланаиди холос. Конденаторлар эса анча кенг ҳарорат диапазонида ишлаши керак. Техникада Кюри нуқтаси 133 °C атрофида бўлган, ε эса 6000-7000 га эришадиган барий титанати асосида тайёрланган сегнетоелектрик конденсаторлар кенг ишлатилади.