Ҳомиладорлик — бу катта қувонч даври, аммо бўлажак она қайғурадиган ҳеч қандай муаммо йўқ дегани эмас. Улардан бири унинг доимий равишда ўсиб бораётган чақалоқ ва қориннинг каттариш ҳолатидир. Хўш, ҳомиладорликда қорин қандай ўзгаради?
Аёл ҳомиладорлик ҳафтасига нисбатан қорни жуда катта ёки жуда кичик ёки ҳомила қориннинг тепа қисмида ёки пастки қисмида «жойлашиши»дан ташвишланиши мумкин.
Ҳомиланинг ривожланиши ҳаммада ҳар хил кечади
Агар сиз ҳомиладор қоринингизнинг катталиги ёки шакли ҳақида ташвишланаётган бўлсангиз, ёлғиз эмаслигингизни билинг. Барча аёлларда бу ҳолат ҳар хил кўринишда бўлади ва сизнинг чақалоғингизни ривожланиши яхши ҳолатда, ҳавотир олманг.
Ҳомиладорликда қориннинг кичиклиги
Сиз яхши овқатланаяпсиз, машқ қиляпсиз ва мунтазам равишда туғруқдан олдин текширувлардан ўтаяпсиз. Шунга қарамай, одамлар кўпинча сизнинг ҳомилангиз муддатингизга нисбатан кичик кўринишини айтишади ёки ҳақиқатан ҳам етарлича овқатланаётганингиз ҳақида сўрашади.
Чақалоқлар сингари, ҳомиладорда аёл қорни ҳам ҳар хил шакл ва ўлчамда бўлади. Шифокорингиз ёки доянгиз доимий текширувлар орқали туғруқ санангиз ва ҳомилангизнинг катта-кичиклигига қараб, туғилажак фарзандингизни катталигини айтиб беради, ҳар бир ташрифингизда бир марта қорингиз ўлчанади ва бу мунтазам текширувлар 15 ҳафтадан 20 ҳафтагача бўлган вақтдан ўтказилиб бошланади.
Агар қорин бўшлиғи мушаклари чиндан ҳам кучли ва мустаҳкам бўлса, улар сизнинг ўсаётган бачадонингиздаги ҳомилани кутилганидек ташқарига чиқиб кетишига йўл қўймайди. Узун бўйли аёлларнинг қорни ҳам қорин бўшлиғи бир хил муддат ва ўлчамдаги паст бўйли аёлникига қараганда кичикроқ кўринади.
Ҳомиладорликда қориннинг кичиклиги билан боғлиқ бўлган ягона муаммо бу олигогидрамнион деб аталадиган ҳолат бўлиб, бунда амниотик суюқлик жуда кам миқдорда бўлади. Бу шифокорингиз сизнинг мунтазам пренатал текширувларда эътибор бериши керак бўлган ҳолатдир.
Ҳомиладорликда қорин катталашиши ёки катта бўлиши
Ҳомилани қорнингиздаги жойлашуви ёки тана тузилишингиз туфайли сиз нисбатан каттароқ ҳомилани кўтараётгандек туюлишингиз мумкин. Паст бўйли аёлда ҳомиладор қорин жуда катта кўриниши мумкин.
Агар бу сизнинг биринчи ҳомиладорлигингиз бўлмаса, эҳтимол биринчи марта ҳомиладорлик давридан кўра сиз эртароқ қорнингиз катталашганини сезган бўлишингиз мумкин. Бунинг сабаби, биринчи ҳомиладорликдан кейин мушакларингиз бироз чўзилган бўлади ва бачадоннинг кенгайиш босимга осонроқ бўйсунади.
Сизнинг шифокорингиз ёки доянгиз ҳар сафар пренатал текширувларда қорин катталигини ўлчайди ва назорат қилади.
Камдан-кам ҳолларда, қориннинг катта бўлишига амниотик суюқликнинг кўплиги (полигидрамнион) сабаб бўлади ва шифокор ўз вақтида бу ҳолатни тўғри баҳолаб, чора кўриши керак бўлади.
Ҳомиланинг қориннинг юқори қисмида бўлиши
Чақалоқнинг бачадонга олдинга ва юқорига йўналган ҳолатда жойлашиши, айниқса, ҳомиладорликнинг дастлабки икки триместрида одатий ҳол эмас. Баъзи аёллар ҳомиладорликни бошидан охиригача шу тарзда ўтказадилар, айниқса қорин мушаклари жуда кучли бўлган аёллар. Айрим аёллар катта ёшлилардан ҳомиланинг жойлашишига қараб жинсини аниқлашга қизиқишади. Ва турли изланишлар олиб боришади. Бироқ ҳомила жойлашишига қараб жинсини аниқлаш каби фикрлар ҳеч қандай илмий асосга эмас.
Ҳомиланинг пастда жойлашиши
Боланинг бачадоннинг пасти қисмида кўтариш ноқулай бўлиши мумкин. Иккинчи ёки учинчи ҳомиладорликда ўсаётган бачадонга ёрдам берувчи мушаклар ва пайлар чўзилган ва заифлашган бўлиб, ўсаётган бачадонни аввалгидек ушлаб туролмайди.
Ҳомиладорликнинг охирига келиб, сиз деярли бир кечада олдингисига қараганда камроқ оғирликни кўтараётганингизни сезишингиз мумкин. Бунинг сабаби, эҳтимол, сизнинг чақалоғингиз туғилишга тайёргарлик кўрмоқда (Ҳамма чақалоқларда ҳам бу кузатилмайди, баъзилари туғруқ бошлангунга қадар тушмайди.)
Агар ҳомиладорлик календари бўйича 37-ҳафтадан олдин бир кеча-кундузда бу ҳолатни пайдо бўлганини сезсангиз, шифокорингиз билан гаплашинг, чунки бу танангиз туғилишга тайёрланаётганини билдириши мумкин.
Ҳомиланинг пастда бўлишининг энг катта муаммоси — бу сизнинг белингизга босим ўтказишидир. Тос бўшлиғини ҳаракатлантириш каби машқлар пастки қисмдаги ноқулайлик ёки белдаги оғриқни енгиллаштиришга ёрдам беради.
Ҳомиладорликда қорин: Кенг ёйилиши
Қорнининг кенг бўлиши чақалоғингизнинг кўндаланг ётганлигини англатиши мумкин, яъни боши юқорига ёки пастга эмас, балки ён томонга ётиши.
Агар чақалоқ туғилиш вақтига қадар бошини пастга қаратмаса, бу ҳолда сизга кесерва керак бўлиши мумкин.
Ҳомиладорликда тўғри овқатланиш учун шифокор ёки акушернинг кўрсатмаларига амал қилинг, чунки сиз ва чақалоғингизнинг соғлиги айнан соғлом овқатланиш ҳамда тўғри ташкиллаштирилган кундалик одатларга боғлиқ.