1805-1869 йилларда яшаб ўтган сҳотланд олими Томас Грем (Грехем, ўнг тарафдаги расмда) шарафига номланган ва айнан у тарафидан 1829-йилда кашф қилинган ушбу қонун қуйидагича уқтириш беради:
Кичик микроскопик тирқишчадан ўтаётган газнинг чиқиш тезлиги, газ зарралари массасининг квадрат илдизидан чиқарилган қийматга тескари пропрсионал.
Ушбу тасдиқни қуйидагича формула билан ифодалаш мумкин:
Бунда R1 ва R2 - биринчи ва иккинчи газларнинг чиқиш тезликлари, М1 ва М2 эса, мос равишда уларнинг моляр массалари. Грем қонуни бир вақтнинг ўзида ҳам диффузия ва ҳамда эффузия ҳодисалари учун ўринлидир. Эффузия - газ молекулаларининг микроскопик тирқишдан ўзаро тўқнашмасдан бирма-бир, биттама-битта ўтиши жараёнидир.
Газнинг чиқиш тезлиги, унинг молекулалари массасига боғлиқ бўлади. Масалан, водород сингари енгил газларнинг молекулалари тирқишдан нисбатан тезроқ чиқиб кетади. Чунки массаси енгил молекулалар бошқа, оғирроқ заррачаларга нисбатан каттароқ тезлик билан ҳаракатланади.
1940-йилда ядро реакторларида радиоактив газларни ажратиш учун айнан ушбу қонундан фойдаланилган. Бундай газлар моляр массаларининг турлича эканлиги сабабли, ҳар хил диффузион тезликларга эга бўлган. Узун диффузион камерада ураннинг икки хил изотоплари У-235 ва У-238 ларни ўзаро ажратишган. Аввалига фтор билан реаксияга киришиш орқали уран изотоплари газсимон уран-гексафторидга айлантирилган.
Уран гексафториднинг нисбатан кичик массали молекулалари таркибидаги бўлинаётган У-235 молекулалари, массаси нисбатан каттароқ бўлган У-238 га қараганда камерада тезроқ ҳаракатланади. Газсимон изотопларнинг ажратилаётган аралашмаси ғовакли тўсиқлар орқали кўп марта қайта ўтказилади. Аралашма ҳолатидаги изотоплар бундай ғовакли тўсиқнинг бир тарафида енгил компонентлар билан, иккинчи тарафида оғир компонентлар билан бойитилади. Иккинчи жаҳон уруши йилларидан АҚШда тарихда биринчи атом бомбасининг тайёрланишида ҳам айнан ушбу жараён - уран изотопларининг ажралиши жараёнидан фойдаланилган. Занжир реаксиясини бошлаб олиш учун Манхеттен оператсияси ходимларига У-235 уран изотопи керак бўлган.
Газ диффузияси усули билан У-235 ва У-238 уран изотопларини ажратиш мақсадида АҚШ ҳукумати Теннеси штати Оук-Риж ҳудудида К-25 номли махсус завод қурдирган. Ушбу заводда ишлаб чиқарилган уран эса Манхеттен лойиҳаси учун юборилган. Ушбу лойиҳага кўра эса, инсоният тарихида илк атом бомбаси тайёрланган ва аввалига Аломогордо чўлида синаб кўрилиб, кейин эса, "чақалоқ" номли атом бомбаси Япониянинг Хиросима шаҳрига ташланган (06.08.1945). Теннеси заводидаги уранни ажратиш технологик жараёни 4000 босқичдан иборат бўлган. Заводнинг ўзи эса 17 гектар ерни эгаллаган эди.
