Киндик чурраси ичакнинг бир қисми бўлиб, қорин бўшлиғи мушакларидаги тешикдан чиқиб кетишидан пайдо бўлади.
Қорин бўшлиғини ўраб турган мушак тўлиқ ёпилмаса, қорин деворидаги тешик туфайли киндик чурраси ҳосил бўлади. Ичаклар тешикда тўпланганда қорин бўшлиғида чурра бўртиб чиқади.
Киндик чурралари янги туғилган ва 6 ойгача бўлган чақалоқларда, шунингдек, одатдагидан фарқли ўлароқ катта ёшдагиларда ҳам кузатилади. Болалар 4-5 ёшга тўлгунга қадар 90% болада киндик чурраси даволанишларсиз табиий равишда ўз ҳолига қайтади.
Агар чурра табиий равишда ўз ҳолатига қайтмаса, оператсия орқали даволаш амалга оширилади. Даволаш қорин бўшлиғи мушаклардаги тешикнинг ҳажмига боғлиқ.
Киндик чурраси белгилари
Чақалоқларда чурра оғриқ бермайди. Унинг ягона ҳақиқий белгиси чақалоқнинг қорин бўшлиғида шиш ёки ташқи томондан “чурра”нинг кўринишидир.
Бола йиғлаётганда ёки ҳожатга чиққанда мушаклар зўриқиши туфайли чурра бўртиб чиқиши ёки орқага сурилиши мумкин. Бу жараён чурра ривожланиб, тери чўзилишига сабаб бўлади.
Киндик чурраси туфайли қоринда оғриқ бўлади ва босим ошади. Айниқса, одам аксирганда, йўталганда, оғир нарсаларни кўтарганда ва ичи келганида оғриқ кучайиши мумкин.
Кичкинтойлар сингари катталарда ҳам чурра бўртиб чиқиши ёки киндик ҳудудидан чиқиб кетиши мумкин. Қисилган чурра кўнгил айниши, иситма ва қусишни ҳам келтириб чиқариши мумкин.
Киндик чурраси сабаблари
Болалар туғилгандан кейин киндик йўлдошдан ажратилганда, чақалоқларда киндик ҳалқасининг бириктирувчи тўқимаси ўз-ўзидан ёпилади. Агар бу ёпилиш кечикса ёки умуман содир бўлмаса, киндик чурраси ривожланади.
Катталарда касаллик юзага келишининг бир нечта сабаблари бор:
- қорин бўшлиғида суюқликнинг тўпланиши;
- буйрак етишмовчилигини даволаш учун узоқ муддатли диализ;
- кўп ҳомиладорлик;
- семириб кетиш;
- қорин бўшлиғида ўтган аввалги оператсия.
Чурра мавжуд бўлган болаларда ҳеч қандай оғриқли асоратлар бўлмайди. Тешик вақт ўтиши билан даволанмасдан табиий равишда ёпилиши ҳам мумкин. Аммо, камдан-кам ҳолларда чурра қисилиб қолади. Бу инсоннинг қорин бўшлиғидаги аъзолари чурра қопига ёпишиб қолганда ёки қон оқими камайганда содир бўлади.
Қисилган киндик чуррасининг белгилари қуйидагилардан иборат:
- ранги ўзгарган бўртиқлар;
- иситма;
- кўнгил айниши;
- овқатланишдан бош тортиш;
- қаттиқ оғриқ;
- юмшоқ бўртиқ;
- қусиш.
Болада бу каби аломатларни сезган ота-оналар ва тарбиячилар шошилинч тиббий ёрдамга мурожаат қилишлари керак.
Киндик чуррасини даволаш
Чақалоқларда киндик чурралари камдан-кам ҳолларда даволанишга эҳтиёж сезилади. Кўпчилик чақалоқларда 1 ёки 2 ёшга тўлгунга қадар чурра табиий равишда ёпилади, агар ёпилмаса 4 ёки 5 ёшида оператив йўл билан ҳал қилинади.
Агар чурранинг ҳажми катталашишда давом этса, айниқса, оғриқли ёки сиқилган бўлса, болага зудлик билан болалар жарроҳининг ёрдами керак бўлади.
Ҳар қандай ёшдаги беморларда киндик чурраси оператсия йўли билан даволанади. Жарроҳлик йўли орқали киндик чуррасини халтачаси билан бирга кесиб олиб ташланади. Бу одатда амбулатория муолажаси бўлиб, беморлар ўша куннинг ўзидаёқ уйларига қайтишлари мумкин бўлади.